இப்பதிவில் குறிப்பிட்டிருப்பது போல், கரு ஊடுருவி விருத்தியடைவதற்கேற்றவாறு விருத்தியடைந்திருக்கும் திசுவே கருப்பை அகவுறை (endometrium). கருவை எதிர்பார்த்தே ஒவ்வொரு மாதமும் வளர்ந்து, விருத்தியடைந்து, பின் கருக்கட்டல் நடைபெறாவிடின், உதிர்வதே மாதவிடாயாக ஒவ்வொரு மாதமும் வெளியேறுகின்றது.
நான் முனைவர் பட்டத்திற்கான ஆய்வில் ஈடுபட்டிருந்த காலங்களில், "நீங்கள் என்னத்தைப்பற்றி ஆய்வு செய்கிறீர்கள்" எனக் கேட்பவர்களிடம் சுருக்கமாக endometrium என்ற திசுவில் என்று சொல்லிவிட்டு, அதைப் பற்றி விளக்க முற்பட முன் சில பெண்கள், "ஒ எனக்கு அது என்னவென்று தெரியுமே. எனக்கும் இருக்கு", எனச் சொல்லியுள்ளார்கள். முதலில் எனக்குக் குழப்பமாக, "உங்களுக்குமா? எல்லாப் பெண்களுக்கும் (all cis women, to be exact) endometrium இருக்கே", என்று சொன்ன பின்னே விளங்கியது அவர்கள் endometriosis ஜப்பற்றிச் சொல்கிறார்கள் என்று.
